കോഴിക്കോട്:പി.എസ്.സി കോഴ വിവാദത്തില്‍ മുസ്ലിം യൂത്ത് ലിഗും പ്രക്ഷോഭത്തിലേക്ക്.കോഴയാരോപണത്തില്‍ പൊലീസ് കേസെടുക്കണമെന്നാവശ്യപ്പെട്ട് യൂത്ത് ലീഗ് കോഴിക്കോട് ജില്ലാ കമ്മറ്റി ഇന്ന് വൈകുന്നേരം ജനസദസ് സംഘടിപ്പിക്കും.
വൈകീട്ട് 4മണിക്ക് കോഴിക്കോട് പുതിയ ബസ് സ്റ്റാന്റ് പരിസരത്തു വെച്ച് നടക്കുന്ന പരിപാടി മുസ്ലിം യൂത്ത് ലീഗ് ദേശീയ ജനറല്‍ സെക്രട്ടറി അഡ്വ. ഫൈസല്‍ ബാബു ഉല്‍ഘാടനം ചെയ്യും.സംസ്ഥാന ട്രഷറര്‍ പി ഇസ്മായില്‍, ദേശീയ ഭാരവാഹികളായ സാജിദ് നടുവണ്ണൂര്‍, ആഷിക് ചെലവൂര്‍, സംസ്ഥാന ഭാരവാഹികളായ ടി.പി.എം ജിഷാന്‍, ഫാത്തിമ തെഹ്ലിയ തുടങ്ങിയവര്‍ പ്രസംഗിക്കും.
