40 ദിവസം നീണ്ട പരസ്യ പ്രചരണത്തിനു ശേഷമാണ് സംസ്ഥാനം നിശബ്ദ പ്രചാരണത്തിന്റെ മണിക്കൂറുകളിലേക്ക് കടന്നിരിക്കുന്നത്.അവസാന മണിക്കൂറിലും പരമാവധി വോട്ട് സ്വന്തമാക്കാന് കരുനീക്കങ്ങളിലാണ് മുന്നണികളും സ്ഥാനാര്ത്ഥികളും. വോട്ടര്മാര്ക്ക് ആലോചിച്ച് തീരുമാനമെടുക്കാനുള്ള ദിവസവും കൂടിയാണ് ഇന്ന്.അടിയൊഴുക്കുകള്ക്ക് തടയിടാനുള്ള അവസാന നീക്കമാണ് മുന്നണികള് നടത്തുക.സംസ്ഥാനത്ത് 20 മണ്ഡലങ്ങളിലായി 194 സ്ഥാനാര്ത്ഥികളാണ് മത്സര രംഗത്തുള്ളത്. 25231 ബൂത്തുകളിലായി വോട്ട് രേഖപ്പെടുത്താന് 2.77 കോടി വോട്ടര്മാരാണുള്ളത്.
![](https://newsw.org/wp-content/uploads/2024/04/Logo-Placing-5-186.jpg)
തെരഞ്ഞെടുപ്പിനുള്ള പോളിങ് സാമഗ്രികളുടെ വിതരണം രാവിലെ എട്ട് മണി മുതല് ആരംഭിക്കും. നാളെ രാവിലെ ഏഴുമണി മുതല് വൈകിട്ട് 6 വരെയാണ് വോട്ടെടുപ്പ്.സംഘര്ഷ സാധ്യത കണക്കിലെടുത്ത് തിരുവനന്തപുരം,പത്തനംതിട്ട,തൃശൂര്,കാസര്കോട് എന്നീ ജില്ലകളില് നിരോധനാജ്ഞ പ്രഖ്യാപിച്ചു.സുരക്ഷയൊരുക്കാന് 66,303 പൊലീസുകാരെയും അധിക സുരക്ഷയ്ക്ക് 62 കമ്പനി കേന്ദ്രസേനയെയും നിയോഗിച്ചിട്ടുണ്ട്.
കൊട്ടിക്കലാശത്തില് നാല് ജില്ലകളില് സംഘർഷം; എംഎല്എ സിആര് മഹേഷിനും 4 പോലീസുകാര്ക്കും പരിക്ക്
തെരഞ്ഞെടുപ്പ് ഡ്യൂട്ടിയിലുള്ള ഉദ്യോഗസ്ഥര്ക്ക് ഇന്ന് കൂടി പോസ്റ്റല് വോട്ട് ചെയ്യാനാവും. ഇതിനായുള്ള വോട്ടിംഗ് കേന്ദ്രങ്ങള് ഇന്നുകൂടി പ്രവര്ത്തിക്കും.ജൂണ് നാലിനാണു വോട്ടെണ്ണല്.രണ്ടാംഘട്ടത്തില് രാജ്യത്ത് 88 മണ്ഡലങ്ങളാണ് വിധിയെഴുതുന്നത്.കേരളത്തിന് പുറമെ 12 സംസ്ഥാനങ്ങളിലും കേന്ദ്രഭരണ പ്രദേശങ്ങളിലും നാളെ വോട്ടെടുപ്പ് നടക്കും.യുപിയിലെ കനൗജില് നിന്ന് മത്സരിക്കുമെന്ന് ഇന്നലെ പ്രഖ്യാപിച്ച സമാജ്വാദി പാര്ട്ടി നേതാവ് അഖിലേഷ് യാദവ് ഇന്ന് പത്രിക സമര്പ്പിക്കും.ഉച്ചക്ക് പന്ത്രണ്ട് മണിക്ക് ആണ് അഖിലേഷ് പത്രിക സമര്പ്പിക്കുക. വോട്ടെടുപ്പ് നടക്കാനിരിക്കെ മണിപ്പൂരില് സംഘര്ഷം കണക്കിലെടുത്ത് അതീവ ജാഗ്രതാ നിര്ദ്ദേശം പുറപ്പെടുവിച്ചിട്ടുണ്ട്.