ടി20 ലോകകപ്പിൽ ആവേശം അവസാന ഓവറിലേക്ക് നീണ്ട ലോ സ്കോറിംഗ് ത്രില്ലറില് പാകിസ്ഥാനെ ആറ് റണ്സിന് വീഴ്ത്തി ഇന്ത്യക്ക് രണ്ടാം ജയം. ആദ്യം ബാറ്റ് ചെയ്ത ഇന്ത്യ ഉയര്ത്തിയ 120 റണ്സ് വിജയലക്ഷ്യത്തിലേക്ക് ബാറ്റ് വീശിയ പാകിസ്ഥാന് 20 ഓവറില് ഏഴ് വിക്കറ്റ് നഷ്ടത്തില് 113 റണ്സെടുക്കാനെ കഴിഞ്ഞുള്ളു.
![](https://newsw.org/wp-content/uploads/2024/06/W-News-1-Recovered-Recovered-Recovered-Recovered-Recovered-Recovered-34-1024x576.jpg)
44 പന്തില് 31 റണ്സെടുത്ത മുഹമ്മദ് റിസ്വാനാണ് പാകിസ്ഥാന്റെ ടോപ് സ്കോറര്. നാലോവറില് 13 റണ്സ് മാത്രം വഴങ്ങി ബാബര് അസമിന്റെയും മുഹമ്മദ് റിസ്വാന്റെയും ഇഫ്തീഖര് അഹമ്മദിന്റെയും നിര്ണായക വിക്കറ്റുകളെടുത്ത ജസ്പ്രീത് ബുമ്രയാണ് ഇന്ത്യയുടെ വിജയശില്പി.ടി20 ലോകകപ്പില് ഇന്ത്യ പ്രതിരോധിക്കുന്ന ഏറ്റവും കുറഞ്ഞ സ്കോറാണിത്. സ്കോര് ഇന്ത്യ 19 ഓവറില് 119ന് ഓള് ഔട്ട്, പാകിസ്ഥാന് 20 ഓവറില് 113-7