മലയാളത്തിന്റെ പ്രിയ നടി ഭാമ വിവാഹ മോചിതയായെന്ന വാര്‍ത്തകള്‍ സമൂഹമാധ്യമങ്ങളില്‍ വലിയ ചര്‍ച്ചാവിഷയമായിരുന്നു.ഭാര്‍ത്താവിനോടോപ്പമുളള ചിത്രങ്ങളും താരം സമൂഹമാധ്യമങ്ങളില്‍ നിന്ന് നീക്കം ചെയ്തിരുന്നു.ഇപ്പോള്‍ താരം ഇന്‍സ്റ്റഗ്രാമില്‍ പങ്കുവെച്ച കുറിപ്പാണ് ചര്‍ച്ചയായിരിക്കുന്നത്.വേണോ നമ്മള്‍ സ്ത്രീകള്‍ക്ക് വിവാഹം?. വേണ്ട. വിവാഹം ചെയ്യരുത്. ഒരു സ്ത്രീയും അവരുടെ ധനം ആര്‍ക്കും നല്‍കിയിട്ടില്ല. അവര്‍ നിങ്ങളെ ഉപേക്ഷിച്ചു പോയാലെന്നും ചോദിക്കുന്നു ഭാമ കുറിപ്പിലൂടെ.ധനം സ്വീകരിച്ച് അവര്‍ ജീവനെടുപ്പിക്കും.ഒരിക്കലും ഒരു സ്ത്രീ എന്തായാലും വിവാഹം കഴിക്കരുത്. ജീവനെടുക്കാന്‍ സാധ്യതയുള്ള സ്ഥലത്ത് നിന്ന് എത്രയും വേഗം എന്നും കുറിപ്പായി എഴുതിയ താരം വാചകം പൂര്‍ത്തിയാക്കാത്തതും ചര്‍ച്ചയായിട്ടുണ്ട്.നടി ഭാമ ഇന്‍സ്റ്റാഗ്രാം സ്റ്റോറിയായിട്ടാണ് തന്റെ അഭിപ്രായം രേഖപ്പെടുത്തിയിരിക്കുന്നത്.
ചലച്ചിത്ര നടി ഭാമയും അരുണും വിവാഹിതരായത് 2020ലായിരുന്നു.വിവാഹം കഴിഞ്ഞതോട ഭാമ പതുക്കെ സിനിമയില്‍ നിന്ന് പിന്‍വാങ്ങുകയായിരുന്നു.മകള്‍ ജനിച്ചത് വ്യക്തമാക്കിയാണ് പിന്നീട് താരം സാമൂഹ്യ മാധ്യമത്തില്‍ സജീവമായി ഇടപെട്ടത്. ഗൗരി എന്നാണ് നടി ഭാമയുടെ മകളുടെ പേര്.നേരത്തെ നടി ഭാമ മകളുടെ ഫോട്ടോ പങ്കുവെച്ച് എഴുതിയ കുറിപ്പും ചര്‍ച്ചയായിരുന്നു. ഒരു സിംഗിള്‍ മദര്‍ ആയപ്പോള്‍ താന്‍ കൂടുതല്‍ ശക്തയായിരുന്നു ഭാമ അന്ന് തന്റെ കുറിപ്പിലെഴുതിയത്. കൂടുതല്‍ ശക്തയാകുക മാത്രം ആണ് തനിക്ക് മുന്നിലുള്ള വഴി. ഫോട്ടോയ്ക്ക് ക്യാപ്ഷനായി ഞാനും എന്റെ മകളും എന്നാണ് എഴുതിയിരുന്നത്.
