കൊച്ചി:കാപ്പ നിയമ പ്രകാരം നാടുകടത്തപ്പെട്ട പ്രതി പൊലീസുകാരെ ആക്രമിച്ച കേസില്‍ പിടിയില്‍.ഞാറക്കല്‍ എളങ്കുന്നപ്പുഴ മാലിപ്പുറം ഭാഗത്ത് വാടകയ്ക്ക് താമസിക്കുന്ന അംഷാദിനെ (27) ആണ് ഞാറക്കല്‍ പോലീസ് അറസ്റ്റ് ചെയ്തത്.കേരള സാമൂഹ്യ വിരുദ്ധ പ്രവര്‍ത്തനങ്ങള്‍ തടയല്‍ നിയമ പ്രകാരം കൊച്ചി സിറ്റി പോലീസ് കമ്മീഷണറുടെ ഉത്തരവനുസരിച്ച് അംഷാദിനെ കൊച്ചി സിറ്റിയില്‍ നിന്ന് നാടുകടത്തിയതാണ്.
കൊലപാതക ശ്രമ കേസിലെ പ്രതിയായ അംഷാദിന്റെ ചേട്ടന്‍ നൗഷര്‍ബാനെ പിടികൂടിയ പൊലീസ് ഉദ്യോഗസ്ഥനെയാണ് അംഷാദും നൗഷര്‍ബാനും ചേര്‍ന്ന് ആക്രമിച്ചത്. നൗഷര്‍ ബാന്‍ സ്ഥലത്തുനിന്ന് രക്ഷപ്പെട്ടു. അംഷാദിനെതിരെ പിടിച്ചുപറി, അടിപിടി, കഞ്ചാവ് കടത്ത് എന്നിവ ഉള്‍പ്പെടെ നിരവധി കേസുകള്‍ റിപ്പോര്‍ട്ട് ചെയ്തിട്ടുണ്ട്.
