തിരുവനന്തപുരം:സംസ്ഥാനത്ത് കനത്ത മഴ തുടരുന്ന സാഹചര്യത്തില് 34 ദുരിതാശ്വാസ ക്യാമ്പുകളിലായി 666 കുടുംബങ്ങളെ മാറ്റിപ്പാര്പ്പിച്ചു.
സംസ്ഥാനത്ത് കൂടുതല് ക്യാമ്പുകള് കോട്ടയത്താണ്.11 ക്യാമ്പുകളാണ് കോട്ടയത്ത് തുറന്നിരിക്കുന്നത്.മഴ തുടരുന്നതിനാല് അരുവിക്കര ഡാമിന്റെ ഷട്ടറുകള് കൂടുതല് ഉയര്ത്തും.നിലവില് 150 സെന്റി മീറ്റര് ഉയര്ത്തിയിട്ടുണ്ട്.ഇന്ന് മൂന്ന് മണിക്ക് 50 സെന്റി മീറ്റര് കൂടി ഉയര്ത്തും. പരിസരവാസികള് ജാഗ്രത പുലര്ത്തണമെന്ന് ജില്ലാ കളക്ടര് അറിയിച്ചു.
![](https://newsw.org/wp-content/uploads/2024/05/Logo-Placing-5-Recovered-Recovered-Recovered-Recovered-Recovered-Recovered-23.jpg)
കൂടുതല് ജില്ലകളില് മഴ മുന്നറിയിപ്പുണ്ട്. തിരുവനന്തപുരം, ഇടുക്കി ജില്ലകളില് കൂടി ഓറഞ്ച് അലേര്ട്ട് പ്രഖ്യാപിച്ചു. കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം ജില്ലകളില് നേരത്തെ ഓറഞ്ച് അലേര്ട്ട് പ്രഖ്യാപിച്ചിരുന്നു. തൃശ്ശൂര്, പാലക്കാട്, മലപ്പുറം, കോഴിക്കോട് ജില്ലകളില് യെല്ലോ അലര്ട്ടാണ് പ്രഖ്യാപിച്ചിരിക്കുന്നത്. അടുത്ത അഞ്ച് ദിവസം സംസ്ഥാനത്ത് മഴ തുടരുമെന്നാണ് മുന്നറിയിപ്പ്.