കനത്ത മഴ; കണ്ണൂർ വിമാനത്താവളത്തിലേക്ക് പുറപ്പെട്ട എയർ ഇന്ത്യ എക്സ്പ്രസ് നെടുമ്പാശ്ശേരിയിൽ ഇറക്കി

കനത്ത മഴയെത്തുടര്‍ന്ന് കണ്ണൂര്‍ അന്താരാഷ്ട്ര വിമാനത്താവളത്തില്‍ ഇറങ്ങേണ്ടിയിരുന്ന വിമാനം നെടുമ്പാശേരി വിമാനത്താവളത്തിലിറക്കി.
എയര്‍ ഇന്ത്യ എക്‌സ്പ്രസ് (Ix 794) വിമാനമാണ് നെടുമ്പാശ്ശേരിയിലിറക്കിയത്.കുവൈറ്റില്‍ നിന്നും പുറപ്പെട്ട വിമാനമാണിത്.യാത്രക്കാര്‍ വിമാനത്തില്‍ തന്നെ ഇരിക്കുകയാണ്.കണ്ണൂരിലെ കാലാവസ്ഥ അനുകൂലമാകുമ്പോള്‍ വിമാനം പുറപ്പെടുമെന്നാണ് ലഭിക്കുന്ന വിവരം.