ശ്രീലങ്കയ്ക്ക് എതിരായ ട്വന്റി 20 പരമ്പര സ്വന്തമാക്കാന്‍ ഇന്ത്യ.മത്സരം വൈകിട്ട് ഏഴ് മണിക്ക് ശ്രീലങ്കയിലെ പല്ലെകെലെയില്‍ നടക്കും. മലയാളി താരം സഞ്ജു സാംസണ്‍ ഇന്നും കളിക്കും എന്നാണ് പ്രതീക്ഷിക്കുന്നത്. പേസര്‍ ഖലീല്‍ അഹമ്മദിനും സ്പിന്‍ ഓള്‍റൗണ്ടര്‍ വാഷിംഗ്ടണ്‍ സുന്ദറിനും ഇന്ന് അവസരമൊരുങ്ങിയേക്കും.ആശങ്കകള്‍ ഏതുമില്ലാതെ ടീം ഇന്ത്യ ശ്രീലങ്കയ്‌ക്കെതിരെ മൂന്നാം ട്വന്റി 20ക്ക് ഇന്നിറങ്ങുകയാണ്.മൂന്ന് മത്സരങ്ങളുടെ പരമ്പരയിലെ ആദ്യ ടി20 ഇന്ത്യ 43 റണ്‍സിനും രണ്ടാമത്തേത് മഴ നിയമം പ്രകാരം 7 വിക്കറ്റിനും വിജയിച്ചിരുന്നു.
ക്യാപ്റ്റന്‍ സൂര്യകുമാര്‍ യാദവിനൊപ്പം ഹാര്‍ദിക് പാണ്ഡ്യ, റിങ്കു സിംഗ്, റിയാന്‍ പരാഗ്, വാഷിംഗ്ടണ്‍ സുന്ദര്‍, രവി ബിഷ്‌ണോയി, മുഹമ്മദ് സിറാജ്, ഖലീല്‍ അഹമ്മദ് എന്നിവരാണ് ഇലവനിലെത്താന്‍ സാധ്യതയുള്ള മറ്റ് താരങ്ങള്‍. ടി20 പരമ്പരയ്ക്ക് ശേഷം മൂന്ന് ഏകദിനങ്ങളും ടീം ഇന്ത്യക്ക് ശ്രീലങ്കയില്‍ കളിക്കാനുണ്ട്.കൊളംബോയില്‍ ഓഗസ്റ്റ് 2, 4, 7 തിയതികളിലാണ് ഏകദിന മത്സരങ്ങള്‍ നടക്കുക.
