മലപ്പുറം:ഓട്ടോയില്‍ മറന്നുവെച്ച ബാഗില്‍ നിന്ന് ലഹരി മരുന്ന് ലഭിച്ചു.പെരിന്തല്‍മണ്ണയില്‍ ഓട്ടോറിക്ഷയില്‍ മറന്നുവെച്ച ബാഗില്‍ എം.ഡി.എം.എയും തിരിച്ചറിയല്‍ രേഖകളും കണ്ടതോടെ ഓട്ടോ ജീവനക്കാരന്‍ പൊലീസിനെ അറിയിക്കുകയായിരുന്നു.ഇതോടെ അമളി കുരുക്കാക്കി പൊലീസ് രണ്ട് പേരെ അറസ്റ്റ് ചെയ്തു.മഞ്ചേരി പട്ടര്‍കുളം അത്തിമണ്ണില്‍ മുഹമ്മദ് അനീസ് (28), പന്തല്ലൂര്‍ മുട്ടങ്ങോടന്‍ മുഹമ്മദ് ശിബില്‍ (26) എന്നിവരെ് പെരിന്തല്‍മണ്ണ പൊലീസ് ടൗണില്‍ വെച്ച് അറസ്റ്റ് ചെയ്തു.
ബാഗില്‍നിന്ന് 17 ഗ്രാം എം.ഡി.എം.എയാണ് പിടികൂടിയത്. ഓട്ടോഡ്രൈവറില്‍നിന്നും ലഭിച്ച അടയാള വിവരങ്ങളുടെ അടിസ്ഥാനത്തില്‍ നടത്തിയ അന്വേഷണത്തില്‍ ഓട്ടോയില്‍ യാത്ര ചെയ്ത മുഹമ്മദ് അനീസിനെ ടൗണില്‍വെച്ച് രാത്രിയില്‍ തന്നെ കസ്റ്റഡിയിലെടുത്തു.ലഹരി മരുന്ന് വില്‍പന നടത്തുന്ന സംഘത്തിലെ മറ്റു കണ്ണികളെ കുറിച്ച് വിവരം ലഭിച്ചതായും കൂടുതല്‍ ചോദ്യം ചെയ്ത് അന്വേഷണം നടത്തി വരികയാണെന്നും പൊലീസ് അറിയിച്ചു.
