കൊല്ലം കടയ്ക്കലില്‍ സ്‌കൂള്‍ വിദ്യാര്‍ത്ഥികള്‍ക്ക് കഞ്ചാവ് എത്തിക്കുന്ന സംഘത്തിലെ രണ്ട് പേരെ പിടികൂടി.ഇവരില്‍ നിന്ന് 32 ഗ്രാം കഞ്ചാവും പിടിച്ചെടുത്തു.അനസ് ,അസലം എന്നിവരെയാണ് പിടികൂടിയത്.ഇവര്‍ മറ്റ് നിരവധി മയക്ക് മരുന്ന് കേസിലെയും പ്രതികളാണെന്ന് പൊലീസ് പറയുന്നു.ഇവരുടെ കൈയില്‍ നിന്ന് 32 ഗ്രാം കഞ്ചാവും രണ്ട് സെറ്റ് ഒ.സി.ബി പേപ്പറും 2500 രൂപയും പൊലീസ് പിടികൂടി.
കടയ്ക്കല്‍ കാഞ്ഞിരത്തുമുട്ടില്‍ നവാസ് എന്നയാളുടെ വീട്ടില്‍ നിന്നാണ് രണ്ടു പേരെ കടയ്ക്കല്‍ പൊലീസ് സബ് ഇന്‍സ്‌പെക്ടര്‍ ജ്യോതിഷിന്റെ നേതൃത്വത്തില്‍ ഉള്ള പോലീസ് സംഘം പിടികൂടിയത്.കാപ്പ കേസില്‍ ജയിലില്‍ ശിക്ഷ അനുഭവിച്ചിട്ടുള്ളയാളുമാണ് നവാസ്. ഇയാളുടെ കഞ്ചാവ് വില്‍പ്പന സംഘത്തിലെ രണ്ട് പേരാണ് പിടിയിലായത്.
