കൊച്ചി: ശക്തമായ മഴയിലും കാറ്റിലും ടാർപോളിൻ മെട്രോ റെയിലിന് കുറുകേ വീണ് ഗതാഗതം തടസപ്പെട്ടു. എറണാകുളം സൗത്ത്- കടവന്ത്രക്കും ഇടയിലാണ് ടാർപോളിൽ പറന്നുവീണത്. ഇതേത്തുടർന്ന് പതിനഞ്ച് മിനിറ്റോളം മെട്രോ ട്രെയിൻ ഗതാഗതം പൂർണമായും നിർത്തിവെച്ചു.
ടാർപോളിൽ മാറ്റിയ ശേഷമാണ് യാത്ര പുനരാരംഭിച്ചത്. ട്രാക്കിൽ ടാർപോളിൻ വീണകാര്യം മെട്രോ പൈലറ്റിന്റെ ശ്രദ്ധയിൽപ്പെട്ടതിനെത്തുടർന്ന് ഇക്കാര്യം അധികാരികളെ അറിയിക്കുകയും ട്രാക്കിൽ നിന്നും ടാർപോളിൻ എടുത്ത് മാറ്റുകയുമായിരുന്നു. വലിയൊരു അപകടമാണ് ഇല്ലാതായത്.
